Saltokietan jendeari arreta egiteko gida-lerroak.

 

Bezero izan daitekeen norbait gure saltokian sartzea lehen urratsa izan daiteke saldu ahal izateko, horrek esan nahi du kontsumitzailearen gogoan gure negozioak badaukala tartetxo bat. Hala ere, bezero izan daitezkeen asko ez dira bezero bihurtzen, saltokian harrera desegokia egiten zaielako.

Bezeroari zerbitzu egoki bat emateak daukan garrantzia aztertu ostean, zerrendan jarri eta definitu egingo ditugu helburu horretarako arau orokor batzuk.

Bezeroa ulertzea:

Bezeroa ulertzeko gaitasuna, bezeroen izaera eta hauen beharrak ezagutzeko gaitasuna da. Hala askoz errazagoa izango da haiekin bat egitea eta haiekin tratu egoki bat edukitzea.

Irisgarritasuna:

Bezeroekin harremanetan jarri eta establezimenduan jarritako artikuluak aurkitu eta bistaratzeko erraztasuna da irisgarritasuna.

Segurtasuna:

Komertzioan bezeroen osotasun fisikoaren aurkako peril edo arriskurik ez egotea da segurtasuna.

Jendetasuna:

Atsegina, hurbiltasuna, arreta eta errespetua, salmenta orduan gure bezeroekiko daukaguna, hori da jendetasuna.

Sinesgarritasuna:

Sinesgarritasuna funtsezkoa da, batez ere zerbitzuetan. Bezeroak saltzailea aditutzat hartu behar du, produktu hau eskaintzeko dagoen pertsonarik onentzat, egia esango diona eta beste gauza askoren bidez sinesgarritasuna lortuko duena.

Komunikazioa:

Esan beharrik ez dago komunikazio prozesuak zeresan handia duela salmentan. Salmentari buruz eta establezimenduari berari buruz emandako informazioa da komunikazioa.

Erantzuteko gaitasuna:

Bezeroen eskariei erantzuteko arintasuna, azkartasuna eta eraginkortasuna da erantzuteko gaitasuna. Aurreratze hau gakoa da desberdintze estrategia bati segitzeko.

Fidagarritasuna:

Agindutako zerbitzua akatsik gabe gauzatzeko gaitasuna da, okerrik gabe eta lehenengoan gauzak ongi eginez. Puntu hau indartzea gakoa da, honek desberdintzen baititu saltoki txikiak besteetatik.

Bezeroari zerbitzu egokia emateko beharko ditugun arau guztiak definitu ostean, gauzatu hala izateko egintzak bideratu behar dira.

Horra, ondoren, gida-lerro batzuk, oinarrizkoak, jarraitzen errazak, establezimendu komertzialetan bezeroari arreta ona egiteko, bezeroa atetik sartzen denetik joatea pentsatzen duen arte; hala gusturago egongo da eta saltzeko aukerak handituko dira.

Bezeroaren bisita baino lehen:

1 - Produktuaren ezagutza

Hausnartzea zer ezagutu behar dudan produktuaz, bezeroari benetan interesatuko zaiona, eta modu profesional argian adierazten jakitea.

2. - Produktuarekiko mira

Hausnartzea zein produktu saltzen diren hobe eta zeintzuk okerrago.
Maiz, saltzaileari gehien gustatzen zaiona edo ongien iruditzen zaiona saltzen da, baina nola saldu gustuko ez duena?

Aurkezpena zaintzea

- Ikusgarriago egitea

- Dauzkan ezaugarriak aurkitzea eta zein bezero motari interesa dakiokeen bere buruari galdetzea.

Bezeroaren bisitak dirauen artean:

3. Agurra

Noiz agurtu behar da?
- Bezeroarekin harremanetan sartutakoan
- Elkarri begiratzen diogunean
- Guri zuzentzen zaigunean

4. Berandutu gabe harrera egitea

¿Nola?
- Bigarren mailakoa den zeregina albora utziz.
- Hitz bi eginez justu une horretan kasu egin ezin badiogu
- Keinu bat eginez

5 . Atsegina izatea

- Bezeroak gustuko du gu atseginak izatea, gurekin atseginak izatea gustuko dugun bezalaxe.

Nola transmititzen da atsegin izate hori?
- Hitz, keinu eta ahotsaren tonuz

6. Irribarrea

Zergatik?
- Irribarrea da bi pertsonen arteko distantziarik laburrena
- Bezeroaren jarduna errazten du
- Edozein egoera eramangarriago egiten du
- Ez da irribarre egin behar, irribarre egiteko gogoa eduki behar da

Salmentak dirauen artean:

7. Bezeroaren beharrak ezagutzea

Bezeroa ezagutzen ez badugu, ezin jakin zer doakion ongi.
- Hasteko geure buruari galdetu behar diogu ea zer ezagutu behar dugun bezeroaz gure produktu eta zerbitzuak eskaintzeko.
- Ez da gauza, produktu guztiak erakustea, banan bana
- Behatu, entzun eta galdetu egin behar da
- Haren interesak eta gurariak hobeto ezagutzeko galderak egin behar dira:
- Kokatzea: "zer asmo zeneukan?, zer iruditzen zaizu?”
- Sakontzea: galdera irekiak egitea, ohitura, gustu eta nahiak ezagutzeko.
- Zehaztea: galdera itxiak, zuzenagoak direnak eta bezeroak hau ala beste hau galderari erantzutekoak.

8. Solasa eta entzutea

- Entzute pasiboa eta aktiboa, biak landu behar dira: Mintzo denak dakiena dio eta entzuten duenak zerbait ikasten du. Bezeroarengandik ikastea komeni zaigu, bezeroari utziz hizketan etenik sortu gabe, eta elkarrizketan parte hartuz eta informazioa partekatuz.

9. Salgaia iradokitzea
Bezeroak pentsatuta ez zeukan zerbait eskainiz haren asmoak betetzea da.
- Noiz eskain dezakegu beste produktu bat?
- Bezeroaren beharrak ezagutzen ditugunean
- Eskaintza, promozioa daukagunean
- Erosketa osatzen duenean
- Nola egin dezakegu?
- Informazioa emanez
- Komentario bat eginez
- Galdetuz

Bisitaren amaieran:

10. Agurra
-Zergatik agur egin?
- Bezeroa joaten denean bukatzen da salmenta
- Ongietorria da hurrengo bisitarako
- Hitzez edo keinuz adierazi