Lanbide-kualifikaziorik ez duten 16 eta 25 urte bitarteko gazteei egin ahal izango zaie kontratu berria, hau da, DBHko, unibertsitateko edo lanbide heziketako titulurik edo lanbide-egiaztagiririk ez dutenei. Gainera, behin behineko neurri gisa, 2013ko abenduaren 31ra arte 30 urtetik beherako gazteei egin ahal izango zaie.

Kontratu-eredu berriak orain arte indarrean izan den prestakuntzakoaren tokia hartuko du, azken horrek urteko kontratuen % 1 besterik ez baitzuen hartzen.

Helburu duen kolektiboaren prestakuntza maila hobetzea da kontratuaren xedea, eta horretarako, enpresan ohikoa den lanaldiaren % 75 finkatzen du kontratatuarentzat. Gainontzeko orduak prestakuntza-jardueretan emango ditu, ikastegi espezializatuan. Kontratuak gutxienez urtebete iraungo du eta gehienez bi, baina beste 12 hilabetez luzatzeko aukera egongo da, prestaketaren arabera.

Era berean, enpresariek kontratua erabiltze aldera, horientzako murrizketak ere jasotzen dira kontratu berria arautzen duen errege-dekretuan. Horrela, kontratatua langabea baldin bada, Gizarte Segurantzako kotizazioetan % 100era arteko murrizketa egingo zaio enpresari, eta 250 langiletik gorako enpresetan % 75ekoa izango da murrizketa hori. Dena den, kontratatuak bere gizarte-eskubideei eutsiko die, hau da, Gizarte Segurantzari egiten dion kotizazioari. Gainera, mota horretako kontratuak finko bilakatze aldera, ikastun-kontratua amaitzean enpresek eskubidea izango dute gizarte-kotizazioa urtean 1.500 eurotan murrizteko (1.800 eurotan kontratatua emakume gaztea bada).